İsrailin Baş naziri Benyamin Netanyahu İranla bağlı yeni razılaşmanın imzalanacağına dair xəbərlər fonunda sabah axşam təhlükəsizlik kabinetinin iclasını keçirəcək.

“Times of Israel” xəbər verir ki, ABŞ Prezidenti Donald Trampın ABŞ və İranın müharibəyə son qoymaq məqsədilə sabah anlaşma memorandumu imzalayacağını elan etməsindən sonra İsrail tərəfi vəziyyəti müzakirə etmək qərarına gəlib.

Məlumata əsasən, İsrailin yüksəkvəzifəli rəsmiləri anlaşma memorandumunun şərtlərinin ölkənin təhlükəsizlik maraqlarını risk altına sala biləcəyini bildiriblər.

Həmin rəsmilərin iddiasına görə, Vaşinqton Tehranın “əsas şərtləri” ilə razılaşıb.