Avropa Komissiyası Rusiyanın bir sıra erməni məhsullarının idxalına tətbiq etdiyi məhdudiyyətlər fonunda Ermənistanla ticarətin genişləndirilməsi üçün təcili tədbirlər paketi hazırlayır.
Bu barədə "Financial Times" nəşri məlumat yayıb.
Məlumata görə, Brüssel Ermənistanın ərzaq və kənd təsərrüfatı məhsullarına tətbiq olunan gömrük rüsumlarının azaldılmasını nəzərdə tutan xüsusi ticarət tədbirləri üzərində işləyir.
Söhbət illik ümumi dəyəri təxminən 420 milyon avro olan 20-yə yaxın məhsul kateqoriyasından gedir.
Qeyd olunur ki, tədbirlərin qüvvəyə minməsi üçün Avropa İttifaqına üzv ölkələrin əksəriyyətinin və Avropa Parlamentinin təsdiqi tələb olunur.
