İranın öldürülən Ali rəhbəri ayətullah Seyid Əli Xameneinin vida və dəfn mərasimlərini 67 min hərbi qulluqçu və könüllü müşayiət edəcək.

İRNA bildirir ki, bu barədə İranın Qızıl Aypara Cəmiyyətindən məlumat verilib.

Qeyd olunub ki, Cəmiyyət Seyid Əli Xameneinin dəfn mərasimi ilə bağlı tədbirlərə dair açıqlama yayıb.

Açıqlamaya əsasən, mərasimə gələnlər 10-dan artıq əvvəlcədən müəyyən olunmuş əyalətdə yerləşdiriləcək. İştiraçıların məskunlaşması üçün 2 milyondan çox müvəqqəti yer proqnozlaşdırılıb.

Açıqlamada bildirilib ki, müşayiətçilərin 37 mini humanitar və könüllü, 30 mini isə hərbi qulluqçudur. İranın Qum, Xorasan-Rəzəvi əyalətlərində və İraqda Qızıl Ayparanın mərasimlərin işıqlandırılması qaydası barədə məlumatın sonradan elan ediləcəyi bildirilib.