İraqın Baş naziri Əli əl-Zeydi Türkiyə Prezidenti Rəcəb Tayyib Ərdoğanın dəvəti ilə iyulun 28-də bu ölkəyə rəsmi səfər edəcək.

Senzor.az yerli KİV-ə istinadən bildirir ki, bu barədə  Türkiyə Prezident Administrasiyasının Kommunikasiya İdarəsi məlumat yayıb.

Səfər çərçivəsində təhlükəsizlik, ticarət, energetika, nəqliyyat və su ehtiyatlarının idarə olunması başda olmaqla, Türkiyə ilə İraq arasında ikitərəfli münasibətlərin bütün aspektləri müzakirə ediləcək.

Tərəflər, həmçinin regional və qlobal proseslər ətrafında fikir mübadiləsi aparacaqlar.