“Bu tərkibdə hökumətimizin sonuncu iclasıdır”.

Senzor.az yerli KİV-ə istinadən bildirir ki, bunu Ermənistan Baş nazir Nikol Paşinyan hökumətin bu gün keçirilən iclasında deyib.

“Bazar günü Milli Məclisin 9-cu çağırışının təşkili münasibətilə istefa verəcəyik, bundan sonra Ermənistan Respublikasının Prezidenti parlament çoxluğu tərəfindən irəli sürülən namizədi Baş nazir təyin edəcək”, - hökumət başçısı bildirib.

O əlavə edib ki, bundan sonra təyin ediləcək yeni Baş nazir yeni hökuməti formalaşdıracaq.

Xatırladaq ki, iyunun 7-də keçirilmiş parlament seçkilərində Paşinyanın rəhbərlik etdiyi hakim "Vətəndaş müqaviləsi" partiyası qalib gəlib və yeni hökuməti müstəqil şəkildə formalaşdırmaq hüququ qazanıb. Onu da qeyd edək ki, partiyanın baş nazirliyə namizədi Nikol Paşinyandır.