Müctəba Xameneinin İran mediasında yayılan videosu onun ölkənin Ali rəhbəri seçilməsindən əvvəl çəkilib.
Bu barədə TASS-a İrandakı mənbə məlumat verib.
Eyni zamanda, mənbə Xameneinin səhhətinin yaxşı olduğunu bildirib.
"O sağlamdır və ictimaiyyət qarşısında görünməməsinin yeganə səbəbi təhlükəsizliklə bağlıdır", - deyə mənbə vurğulayıb.
**12:16
Bu gün İran mediasında ölkənin Ali Rəhbəri Müctəba Xameneinin təxminən 12-13 saniyəlik videosu yayılıb.
"Azad İran" "Telegram" kanalı xəbər verir ki, bu, onun uzun müddətdən sonra ictimaiyyət qarşısında ilk videogörüntüsü kimi təqdim olunur.
Kadrlarda Xameneinin dini təhsil alan tələbələrlə birgə olduğu görünür. Lakin videonun nə vaxt çəkildiyi açıqlanmayıb.
İran mənbələri daha əvvəl Xameneinin müharibənin ilk günlərində ayağından ciddi, üz nahiyəsindən isə yüngül xəsarət aldığını bildirmişdilər.
