Ümumdünya Səhiyyə Təşkilatı (ÜST) COVID-19-un “Mü” mutasiyası ilə bağlı araşdırmaya başlayıb.
Xarici KİV-in yazdığına görə, yeni mutasiya vaksinlərə qarşı daha davamlıdır.
“Mü” variantı, həmçinin B.1.621 kimi məşhurdur. O, təşkilatın müşahidəsi siyahısına "maraqlı variant" kimi əlavə edilib.
Yeni variant potensial immun qaçış xüsusiyyətlərinə malikdir.
İlkin məlumatlar göstərir ki, o, “beta”ya bənzər vaksinasiyadan qaça bilər, lakin mütəxəssislər bu ştammla bağlı daha çox araşdırmaya ehtiyac olduğunu bildirirlər.
“Report” xatırladır ki, “Mü” mutasiyası ilk dəfə 2021-ci ilin yanvarında Kolumbiyada aşkarlanıb. Hazırda yeni ştamm azı 39 ölkədə mövcuddur.
