Türkiyə yaxın gələcəkdə milli qırıcı təyyarələrin istehsalına başlayacaq.
Senzor.az yerli KİV-ə istinadən bildirir ki, bunu Türkiyənin Milli müdafiə naziri Hulusi Akar deyib.
“Sursatımızı, helikopterimizi, PUA-larımızı özümüz düzəldirik, emal və ixrac edirik. İnşallah, yaxın gələcəkdə milli qırıcı təyyarəmizi də istehsal edəcəyik və hər hansı şəkildə xaricdən asılılıqdan qurtulacağıq. Yüksək texnologiyaya söykənən müdafiə sənayemizdə yerlilik və millilik səviyyəmizi daha da yüksəldərək millətimizin təhlükəsizliyini öz silah-sursatımızla qoruyacaq hala gələcəyik”, - o qeyd edib.
Türkiyə Ordusunun hazırda ən başlıca vəzifəsinin terrorla mübarizə olmasına diqqət çəkən nazir deyib ki, terrorçu haradadırsa, hədəfləri də oradır: "Ən son terrorçu zərərsizləşdirilənədək onlarla mübarizəmizi davam etdirəcəyik".
