Ötən ay Əfqanıstanda hakimiyyəti ələ keçirmiş "Taliban"ın nümayəndəsi Əhmədulla Muttaki bildirib ki, hərəkat yeni hökumətin tərkibinin elan edilməsinə hazırlığı başa çatdırıb.
"İslam hökumətinin bəyannaməsinə hazırlıq qurtardı", - Muttaki “Tvitter”də yazıb.
“Taliban” nümayəndəsinin sözlərinə görə, hökumətin tərkibi yaxın vaxtlarda elan ediləcək.
“Report” xatırladır ki, taliblər bir ay əvvəl hökumət qüvvələrinə hücumu daha da aktivləşdirdilər və avqustun 15-də Əfqanıstanın paytaxtı Kabilə girdilər. Onlar növbəti gün bildirdilər ki, müharibə qurtarıb və dövlətin idarə üsulu yaxın vaxtlarda aydınlaşacaq.
