Gürcüstan Xarici İşlər Nazirliyi Bakıda mebel sexində baş vermiş partlayış nəticəsində Gürcüstan vətəndaşının həlak olmasını təsdiqləyib.

XİN yerli KİV-ə açıqlamasında həlak olan şəxsin ailə üzvləri ilə əlaqədə olduğu bəyan edilib.

“Gürcüstan vətəndaşının həlak olması faktı təsdiqlənib. Gürcüstanın Azərbaycan Respublikasındakı səfirliyi mərhumun ailə üzvləri ilə əlaqədədir”, - məlumatda bildirilib.

**

Gürcüstan Xarici İşlər Nazirliyi Bakıda mebel sexində baş vermiş partlayışla bağlı bəyanat yayıb.

Nazirliyin bəyanatında Gürcüstanın Azərbaycandakı səfirliyinin partlayış nəticəsində Gürcüstan vətəndaşının həlak olmasına dair xəbərləri aydınlaşdırdığı qeyd olunub.

“KİV-də yayılan məlumata görə həlak olanlardan biri Gürcüstan vətəndaşıdır. Biz məlumatın aydınlaşdırılması istiqamətində işləyirik”, - bəyanatda bildirilib.

Qeyd edək ki, Gürcüstanın “Mtavari Arxi” telekanalı həlak olanlardan birinin Bolnisinin Naxiduri (Arıxlı) kəndindən olan 35 yaşlı Gürcüstan vətəndaşı Sərrac Yusubov olması barədə məlumat yayıb.(APA)