Rusiyanın Sankt-Peterburq şəhərində “London Mall” ticarət mərkəzindən ziyarətçilər bomba xəbərinə görə təxliyə ediliblər.

Senzor.az yerli KİV-ə istinadən bildirir ki, bu barədə Nevski Rayon Administrasiyasının mətbuat xidməti məlumat yayıb.

Polisə Kollontai küçəsindəki “London Mall”a partlayıcı yerləşdirdiyini bildirən şəxs zəng edib.

Binaya partlayıcı maddələr üzrə ekspertlər tərəfindən baxış keçirilib. Zəng edən şəxs saxlanılıb.

Fövqəladə Hallar Xidməti dəqiqləşdirib ki, ticarət kompleksində partlayıcı olması ilə bağlı yayılan xəbər yalandır.