Azərbaycanda 2026-cı ilin ilk yeddi ayında nikahların sayı nəzərəçarpacaq dərəcədə azalıb.
Senzor.az bildirir ki, Dövlət Statistika Komitəsinin 2026-cı ilin yanvar-avqust aylarının sosial-iqtisadi göstəricilərinə dair hesabatında belə deyilir.
Hesabata əsasən, cari ilin yanvar-iyul aylarında ölkədə 22 130 nikah qeydə alınıb. Ötən ilin eyni dövründə bu göstərici 27 509 olub.
Beləliklə, nikahların sayı bir il ərzində 5 379 və ya təxminən 19,6 faiz azalıb.
Əhalinin hər 1000 nəfərinə düşən nikahların sayı da 4,6-dan 3,7-yə enib.
Eyni dövrdə ölkədə 11 678 boşanma qeydə alınıb. 2025-ci ilin yanvar-iyul aylarında bu göstərici 12 146 olub. Əhalinin hər 1000 nəfərinə düşən boşanmaların sayı isə dəyişməyərək 2,0 səviyyəsində qalıb.
