Noyabrın 7-də Bakıda və Abşeron yarımadasında bəzi yerlərdə arabir yağış yağacağı, gündüz tədricən kəsiləcəyi gözlənilir.
Senzor.az Milli Hidrometeorologiya Xidmətinə istinadən bildirir ki, gecə arabir güclənən şimal-qərb küləyi, gündüz şimal-şərq küləyi əsəcək.
Havanın temperaturu yarımadada və Bakıda gecə 8-10° isti, gündüz 13°-dək isti olacaq.
Atmosfer təzyiqi 770 mm civə sütunu təşkil edəcək. Nisbi rütubət 65-75 % olacaq.
Azərbaycanın rayonlarında bəzi yerlərdə arabir yağış, dağlıq ərazilərdə qar yağacağı gözlənilir. Bəzi şərq rayonlarında intensiv olacağı ehtimalı var. Gecə və səhər saatlarında duman olacaq. Mülayim şərq küləyi əsəcək.
Havanın temperaturu gecə 5-9° isti, gündüz 10-15° isti, dağlarda gecə 2-7° şaxta, gündüz 2-7° isti olacaq.
