Azərbaycan Respublikasının Prezidenti yanında Əfv Məsələləri Komissiyasının növbəti iclası keçirilib.
Senzor.az bildirir ki, bunu jurnalistlərə açıqlamasında Komissiyanın üzvü Rəşad Məcid deyib.
Onun sözlərinə görə, bu il üçün sayca 5-ci olan iclasda əsasən yol-nəqliyyat hadisələri ilə bağlı məhkum olunmuş şəxslərin, həmçinin məhkum olunmuş əcnəbilərin və qadınların 100-ə yaxın müraciətinə baxılıb.
"İclasda hər bir müraciət əsasında qərarlar qəbul olunub. Komissiya öz işini davam etdirəcək. İclaslar yekunlaşandan sonra sənədlər Azərbaycan Prezidentinə təqdim ediləcək. Çox güman biz may ayında Prezident tərəfindən növbəti əfv sərəncamının imzalanmasının şahidi olacağıq”, - deyə R.Məcid əlavə edib.
**09:44
Bu gün Prezident yanında Əfv Məsələləri Komissiyasının növbəti iclası keçiriləcək.
Senzor.az bildirir ki, Əfv Məsələləri Komissiyasının iclasları nəzərdə tutulan əfvlə bağlı bildirilir.
Xatırladaq ki, bu il Komissiyanın dörd iclası keçirilib və 500-ə yaxın müraciətə baxılıb.
