Macarıstanın baş naziri Viktor Orban Ukrayna müharibəsi haqqında diqqət çəkən açıqlamalar verib.
O, Kiyevin NATO-nun hazırkı dəstək strategiyası ilə Rusiyanı məğlub edə bilməyəcəyini bəyan edib.
Həmçinin Orban müharibənin Avropa iqtisadiyyatı üçün ağır nəticələrə səbəb olacağı ilə bağlı xəbərdarlıq edib.
Vyanada Avstriya kansleri Karl Nehammerlə danışan Orban, "Müharibəni bu formada qazanmaq olmaz" deyib. Baş nazir fikirlərinə onu da əlavə edib ki, NATO ölkələrinin Ukraynaya silah və təlimlərlə dəstək strategiyası sərgiləməsi “hələ də onu göstərir ki, bu, uğur gətirməyəcək”.
"Strategiya dəyişikliyi olmadan sülh olmayacaq" deyən Orban Ukraynada sülh olmasa, bütün Avropa İttifaqının hərbi vəziyyətə düşəcəyi xəbərdarlığını da edib.
“Müharibə davam edərsə, Avropa İttifaqında tənəzzüldən necə qaça biləcəyimiz aydın deyil”, - Macarıstanın baş naziri mövcud xaotik hərb-siyasi durumdan gileylənib.
