Rusiya Federasiyasının Ədliyyə Nazirliyi musiqiçi Andrey Makareviçi ukraynalı jurnalist Dmitri Qordonla müsahibəsi səbəbindən “xarici agentlər” siyahısına daxil edib.
Bu barədə Rusiya mətbuatı ifaçının vəkili Aleksandr Peredruka istinadən məlumat yayıb.
O bəyan edib ki, Rusiya Ədliyyə Nazirliyi Qordonla müsahibənin niyə qanunsuz olduğunu izah edə bilməyib.
Qeyd edək ki, Andrey Makareviç öz açıqlamalarında dəfələrlə Kreml rejimini və Rusiya Federasiyasının rəsmi təbliğatını ələ salıb. Müharibənin əvvəlindən o, Ukraynaya dəstək verir. “Zaman maşını” rok qrupunun lideri vaxtaşırı öz sosial şəbəkələrində Rusiya ordusunun Ukrayna torpaqlarındakı əməlləri barədə məlumatlar dərc edir.
