İranın xarici işlər naziri Hüseyn Əmir Abdullahian mehriban qonşuluq jesti kimi Bakıya və İrəvana səfər edə bilər.
Bunu İran XİN-in rəhbəri “Rossiya-24” telekanalında deyib.
Abdullahianın sözlərinə görə, qonşu ölkələrlə əlaqələrin inkişafı İranın yeni hökumətinin əsas prioritetlərindən biridir: “Azərbaycan və Ermənistan bizim yaxşı qonşularımızdır və onlardan biri ilə əməkdaşlıq edib digərinə qarşı işləyə bilmərik. Xarici siyasətimiz balanslıdır. İki gün əvvəl həmkarım, Ermənistanın xarici işlər naziri Tehrana gəlmişdi. Bizim azərbaycanlı həmkarımızın da İrana səfər etmək imkanı olsaydı, yaxşı olardı”.
