Honkonqda yaşayış kompleksində baş verən yanğında ölənlərin sayı 146-ya çatıb.
Senzor.az yerli KİV-ə istinadən bildirir ki, bu barədə xüsusi inzibati ərazinin səlahiyyətli qurumları açıqlama yayıb.
İtkin düşmüş hesab olunanlardan 159 nəfərin sağ olduğu aşkarlanıb. Yanğınsöndürənlər yanğın baş verən 7 binadan altısındakı 1500-dən çox mənzilə baxış keçiriblər.
Qeyd edək ki, noyabrın 26-da günortadan sonra dünyanın ən sıx məskunlaşılan şəhərlərindən olan Honkonqun Tay Po rayonundakı 8 binadan və 2 minə yaxın mənzildən ibarət yaşayış kompleksində yanğın başlayıb. Yanğının binaların üzlüyünün yenilənməsi üçün istifadə olunan bambuk ayaqaltılarda başladığı və küləyin təsiri ilə sürətlə yayıldığı bildirilir. Yanğınla əlaqədar binanın üzlüyünün yenilənməsi layihəsi üzrə məsləhətçi və subpodratçı şirkətlərin 8 məsul işçisi saxlanılıb. Faciə ilə əlaqədar Honkonqda 3 günlük (29 noyabr-1 dekabr) matəm elan olunub.
