Polşa Prezidenti Karol Navrotski Rusiya lideri Vladimir Putinlə görüşündən sonra Macarıstanın Baş naziri Viktor Orbanla görüşü ləğv etmək qərarına gəlib.
Senzor.az yerli KİV-ə istinadən bildirir ki, məlumatı Polşa Prezident Administrasiyasının Beynəlxalq Siyasət Bürosunun rəhbəri Martsin Pşidaç "X" sosial şəbəkə hesabında paylaşıb.
Dekabrın 3-də Navrotski ikigünlük səfərlə Macarıstana yollanacaq və Vişeqrad Qrupu ölkələrinin liderlərinin sammitində iştirak edəcək.
Növbəti gün isə o, Orbanla görüş keçirməli idi.
Xatırladaq ki, Viktor Orban noyabrın 28-də Putinlə danışıqlar üçün Moskvaya səfər etmişdi.
