Bu gün İstanbulda Türkdilli Dövlətlərin Əməkdaşlıq Şurasının (Türk Şurası) dövlət başçılarının VIII Zirvə Toplantısında qurumun adının dəyişdiriləcəyi gözlənilir.“Haber Global”ın məlumatına görə, Türk Şurası bundan sonra Türk Dövlətləri Təşkilatı adı ilə fəaliyyətinə davam edəcək.
VIII Zirvə toplantısı Türkiyə Prezidenti Rəcəb Tayyib Ərdoğanın sədrliyi ilə keçiriləcək. Zirvənin gündəm mövzuları ilə yanaşı, keçiriləcəyi yer də diqqət çəkir. Liderlərin zirvəsi Demokratiya və Azadlıqlar Adasında baş tutacaq.
