“Hazırda koronavirus pandemiyası ilə əlaqədar heç bir sərtləşdirilmiş karantin qaydalarının tətbiqi nəzərdə tutulmur”.Senzor.az bildirir ki, bunu səhiyyə nazirinin birinci müavini, nazir vəzifəsini müvəqqəti icra edən Teymur Musayev deyib.
Onun sözlərinə görə, ölkədə vəziyyət nəzarət altındadır: “Hazırda heç bir əlavə tədbirlər düşünülmür”.
T.Musayev onu da qeyd edib ki, Azərbaycanda koronavirus əleyhinə vaksinasiya prosesində ilk iştirak edən şəxslərdəndir: “Bu il yanvarın 18-də vaksinasiya başlayanda elə həmin gün ilk dozanı qəbul etmişəm”.
O bildirib ki, təyin olunan vaxtlarda ardıcıl olaraq üç doza vaksin vurdurub: “Hər üç doza vaksin Çin istehsalı olan “Sinovac” olub”.
