Ağ Evin rəhbəri Cozef Bayden ABŞ-ın baş infeksionisti Entoni Fauçini Birləşmiş Ştatların “əsl prezidenti” adlandırıb.Xarici KİV-in yazdığına görə, o, hökumətin pandemiya ilə mübarizə üçün yeni strategiyası ilə bağlı çıxışı zamanı zarafat edib.
Baydenin sözlərinə görə, Fauçi Ağ Evin işlərinə o qədər cəlb edilib ki, bəzən adama elə gəlir ki, o, əsl prezidentdir: "Həkim Fauçini həyat yoldaşımdan tez-tez görürəm, bir-birimizlə zarafat edirik. Baxın, prezident kimdir? Fauçi!".
“Report” xatırladır ki, cümə axşamı Bayden ölkədə qışda koronavirusun yayılması ilə mübarizə üçün yeni plan təqdim edib. Plana karantin qaydalarının tətbiqi daxil deyil. Ağ Ev administrasiyası sınaqların və peyvəndlərin genişləndirilməsinə diqqət yetirmək niyyətindədir.
