Əfqanıstanın paytaxtı Kabildə Ukraynaya məxsus təyyarənin naməlum şəxslər tərəfindən qaçırılması barədə xəbərlər həqiqətə uyğun deyil.
APA-nın məlumatına görə, bu açıqlama ilə Ukrayna Xarici İşlər Nazirliyinin rəsmi nümayəndəsi Oleq Nikolenko çıxış edib.
“Kabildə, yaxud hansısa başqa yerdə Ukrayna təyyarəsi ələ qaçırılmayıb. Ukrayna təyyarəsinin ələ keçirilməsi barədə bəzi KİV-in yaydığı xəbərlər əsassızdır”, - deyə O. Nikolenko “RBK-Ukrayna” agentliyinə vəziyyəti şərh edərkən bildirib.
Onun sözlərinə görə, Kiyevin Əfqanıstandan təxliyə üçün cəlb etdiyi bütün təyyarələr geri qayıdıb. İndiyədək üç reyslə Kabildən 256 nəfər təxliyə olunub.
**11:16
Əfqanıstanda Ukrayna təyyarəsi naməlum qrup tərəfindən qaçırılıb.
“RİA Novosti” bildirir ki, bu barədə Ukrayna XİN-dən məlumat verilib.
Məlumata görə, Ukrayna vətəndaşlarının təxliyəsi üçün Əfqanıstanda olan təyyarə naməlum şəxslər tərəfindən qaçırılıb.
“Təyyarə naməlum sərnişinlərlə İran istiqamətində uçub”, - məlumatda qeyd edilib.
Keçən həftənin ikinci günü baş vermiş hadisənin necə sonunclandığı barədə məlumat verilməyib.
