Fransa prezidentliyinə namizəd, Paris bölgəsi İl-de-Fransın rəhbəri Valeri Pekress gizli şəkildə Qarabağa səfər edib.Senzor.az bildirir ki, bu barədə “France Télévisions”un jurnalisti və siyasi şərhçisi Julen Neni “Tvitter”də məlumat verib.
Valérie Pécresse s’est rendue aujourd’hui dans le Haut-Karabakh. Elle y a rencontré les responsables politiques locaux. Déplacement qui pour des raisons de sécurité n’a pas pu être couvert par la majorité des médias français présents en Arménie, dont France TV
— Julien Nény (@JulienNeny) December 22, 2021
“Valeri Pekress bu gün Qarabağa səfər edib. Orada yerli siyasətçilərlə tanış olub. Təhlükəsizliyə görə səfər Ermənistanda olan əksər fransız mediası, o cümlədən, "France" TV tərəfindən işıqlandırılmayıb”, - deyə Neni yazıb.
Qeyd edək ki, Pekress bu günlərdə Ermənistanda səfərdə olub.
O, dekabrın 21-də İrəvanda mətbuat konfransında çıxış edərək İle-de-Frans regionunun (bütün Fransada olduğu kimi, burada da böyük erməni icması var) rəhbəri kimi ermənilərin dəstəyini qazandığını bildirib. Pekres Azərbaycandakı erməni əsirlərin dərhal azad edilməsinin zəruriliyini, həmçinin prezident seçiləcəyi təqdirdə Parisdə Ermənistana dəstək üçün beynəlxalq konfrans təşkil etmək niyyətini açıqlayıb.
Qeyd edək ki, bundan əvvəl Fransa prezidentliyinə daha bir namizəd - Erik Zemmur da Ermənistana səfər etmişdi. Hələlik rəsmi Bakı məsələyə münasibət bildirməyib.
Senzor.az
