Ermənistanda məhkəmə hakimlərinin çoxu siyasi təzyiqlərlə üzləşir. Yerli KİV-in yazdığına görə, ədalət təmsilçiləri onlara olan siyasi təzyiqlər səbəbindən ədliyyə nazirinə müraciət etməyə hazırlaşırlar.
“Ermənistan 2021-ci il. Bu il 2020-nin "layiqli" davamı oldu: Hakimlər artıq hazırkı hakimiyyətin tələbləri ilə bağlı qərarlar qəbul etməkdən imtina edirlər. Siyasi sifarişlərdən imtina edənlərə qarşı 2021-ci ilin səkkiz ayında 22 intizam işi açılıb ki, bu da bütün 2020-ci ildəki məlum işlərdən iki dəfə çoxdur”, - deyə “Joğovurd” nəşrində dərc olunmuş məqalədə vurğulanıb.
Azvision.az xatırladır ki, hazırda məhkəmə sistemində xeyli sayda keçmiş yüksək vəzifəli şəxslərə qarşı bir sıra işlərə baxılır. Ümumilikdə isə bu ölkədə hakimlərin əksəriyyəti əvvəlki hakimiyyətdən, "Qarabağ klanı"ndan qalma kadrlardır.
