Azərbaycanın dünən Ermənistana təhvil verdiyi 5 hərbçidən biri İrəvanda hüquq-mühafizə orqanları tərəfindən saxlanılıb.“Sputnik Armeniya” bildirir ki, bu barədə ölkənin İstintaq Komitəsindən məlumat verilib.
Qeyd olunub ki, təhvil verilən hər bir hərbçi sorğuya çəkilib, ancaq onlardan yalnız Arman Xaçatryan saxlanılıb. Belə ki, o, döyüş növbətçiliyi və ya hərbi xidmət qaydalarını pozmaqda şübhəli bilinir.
Xatırladaq ki, Azərbaycan humanizm prinsiplərini rəhbər tutaraq ötən gün Macarıstan vasitəçiliyi ilə 5 erməniəsilli şəxsi Ermənistan tərəfinə təhvil verib.
