Ermənistan hökuməti 2022-ci il yanvarın 1-dən etibarən türk mallarının ölkəyə idxalına qoyulan qadağanın uzadılmaması barədə qərar qəbul edib.TASS bildirir ki, bu barədə Ermənistan İqtisadiyyat Nazirliyinin mətbuat xidməti məlumat yayıb.
“Müzakirələr nəticəsində Türkiyə mallarının idxalına qoyulan embarqonun müddətinin uzadılmaması qərara alınıb. Gözlənilir ki, bu qadağanın götürülməsi qarşılıqlı şəkildə Ermənistan məhsullarının Türkiyəyə ixracına daha əlverişli şərait yaradacaq”, - məlumatda deyilir.
Qeyd edək ki, sözügedən qadağa 2020-ci il dekabrın sonunda tətbiq edilmişdi.
