Ermənistanın baş naziri Nikol Paşinyan Qazaxıstanın Prezidenti Kasım-Jomart Tokayevlə telefon danışığı aparıb.Senzor.az yerli KİV-ə istinadən bildirir ki, bu barədə Paşinyan “Facebook”da yazıb.
O, bu ölkədəki vəziyyətlə bağlı artıq KTMT ölkələrinin rəhbərləri ilə məsləhətləşmələrə başladığını söyləyib.
"Qazaxıstan Prezidenti Kasım-Jomart Tokayevlə telefon danışığım oldu. Kollektiv Təhlükəsizlik Şurasının sədri kimi Qazaxıstanın mövcud vəziyyətdən çıxması üçün KTMT-nin yardımını gözləyən Prezident Tokayevin müraciətini nəzərə alaraq, KTMT ölkələrinin rəhbərləri ilə təcili məsləhətləşmələrə başlayıram", - Paşinyan qeyd edib.
