Kollektiv Təhlükəsizlik Müqaviləsi Təşkilatı (KTMT) Şurasının növbədənkənar iclası bu gün Moskva vaxtı ilə saat 10-da başlayacaq.Senzor.az yerli KİV-ə istinadən bildirir ki, bu barədə Qazaxıstan Prezidentinin mətbuat katibi Berik Uali məlumat verib.
"Bu gün Nur-Sultan vaxtı ilə saat 13:00-da Prezident Qasım-Jomart Tokayev Qazaxıstan tərəfinin təşəbbüsü ilə çağırılan KTMT Kollektiv Təhlükəsizlik Şurasının fövqəladə sessiyasında iştirak edəcək", - deyə məlumatda bildirilib.
Bu arada məlum olub ki, Qırğız Respublikasının Prezidenti Sadır Japarov KTMT-nin bu gün videoformatda keçiriləcək sammitində iştirak etməyəcək. Buna səbəb kimi S.Japarovun qısamüddətli məzuniyyətə çıxması göstərilib.
Sammitdə Qırğızıstan Prezidentini Baş nazir Akılbek Japarov əvəzləyəcək.
Xatırladaq ki, sammitdə Qazaxıstandakı vəziyyət müzakirə ediləcək.
