ABŞ Prezidenti Co Baydenin reytinqi vəzifəsinin ikinci ilinin əvvəlində 41%-ə düşüb.“RİA Novosti”nin məlumatına görə bu, “Pew Research”in keçirdiyi sorğu nəticəsində məlum olub.
“Hazırda yetkin amerikalıların yalnız 41% -i Baydenin işini bəyənir. Bu göstərici sentyabrdakından bir qədər aşağı (44%) və ötən apreldəkindən (59%) əhəmiyyətli dərəcədə azdır”, - deyə məlumatda bildirilib.
Respondentlərin yalnız 21%-i ölkədəki vəziyyətdən razıdır. Keçən mart ayında məmnun insanların sayı 12 faiz çox idi.
Sorğu yanvarın 10-dan 17-dək 5128 amerikalının iştirakı ilə aparılıb.
