Ukrayna Prezidenti Volodimir Zelenski onu Rusiyaya dəvət edən xarici işlər naziri Sergey Lavrovun təklifinə əsəbi cavab verib. “RİA Novosti” xəbər verir ki, Ukrayna lideri bəyan edib ki, bu təklifdə məqsədəuyğun bir şey görmür, amma bununla yanaşı, cənub-şərq problemlərini istənilən formatda müzakirə etməyə hazırdır.
V.Zelenski Rusiya lideri Vladimir Putinlə heç bir formatda görüşməkdən çəkinmədiyini, lakin niyə Soçidə görüşməli olduğunu anlamadığını deyib: “Görüşmək istəyirəm, heç bir formatdan da qorxmuram, lap ikitərəfli... - fərqi yoxdur, hazıram. Bəs məni Soçiyə niyə dəvət edirsən? Xizək sürməyə? Halbuki biz ciddi şeylərdən danışırıq. Yaxşı, elədisə onda Odessada görüşək, dənizdə çimək... İnsanlar həyatın qiymətini anlamırlar-məsələ budur. Mən ciddi dialoq haqqında danışıram", - Zelenski qəzəbli halda bildirib..
Xatırladaq ki, Lavrov “Əgər Zelenski Rusiya ilə münasibətlərin normallaşmasını müzakirə etmək istəyirsə, biz hazırıq, Moskvaya, Soçiyə və yaxud Sankt-Peterburqa gəlsin” deyə açıqlama vermişdi.
