Ukrayna Silahlı Qüvvələrinin general-leytenantı Mixail Zabrodski deyib ki, hazırda rəsmi Kiyev irimiqyaslı hərbi əməliyyatlara hazır deyil.Bu barədə Rusiya mediası məlumat yayıb.
O, həmçinin hesab edir ki, Ukrayna hakimiyyəti müharibədə adekvat qərarlar qəbul edə bilməyəcək.
“Və bu gün təəssüf ki, hökumətimizin nəzəri cəhətdən belə genişmiqyaslı tədbirlərə, belə çətin qərarlar qəbul etməyə hazır olmasına əminlik yoxdur,-general-leytenant "Espresso.TV"nin efirində deyib.
Qeyd edilir ki, Rusiyanın mümkün təcavüzünə qarşı çıxmaq üçün Ukrayna ilk növbədə təşvişə düşmək əhval-ruhiyyəsindən əl çəkməli, həmçinin siyasi iradəsini gücləndirməlidir.
Zabrodski hesab edir ki, müharibə zamanı ordu və hökumət ən çətin vəzifələri həll etməli olacaq. Bunlar asayişin qorunması, səfərbərlik, təsərrüfat işlərinin aparılması, pasport rejimi və s. məsələlərdir. General-leytenant əmindir ki, Ukrayna indi belə çətin qərarlar qəbul etməyə sadəcə hazır deyil.
