"Kremlə "Exo Moskvı” radiosundan Çeçenistan rəhbəri Ramzan Kadırovun jurnalistləri hədələməsi ilə bağlı müraciət daxil olub". Senzor.az yerli KİV-ə istinadən bildirir ki, bunu Rusiya Prezidentinin mətbuat katibi Dmitri Peskov deyib.
Onun sözlərinə görə, gün ərzində ölkə başçısına müraciətlə bağlı məruzə ediləcək.
“Bəli, biz diqqət yetirdik. Müraciətlə bağlı bu gün dövlət başçısına məlumat veriləcək”, - Peskov deyib.
Xatırladaq ki, “Exo Moskvı” radiosunun baş redaktoru Aleksey Venedikt Putinə müraciət edərək Çeçenistandan jurnalistlərə təhdidlərin gəldiyini bildirib. O, digər mediadan olan həmkarlarının Çeçenistan hakimiyyətindən aldığı təhdidlərdən narahatlığını ifadə edib.
