"Rəsmi İrəvan və Bakı dəmiryolu kommunikasiyalarının açılmasına yaxındır".Senzor.az yerli KİV-ə istinadən bildirir ki, bunu Ermənistanın baş naziri Nikol Paşinyan hökumətin iclasında çıxış edərkən deyib.
"Azərbaycan və Ermənistan Rusiyanın vasitəçiliyi ilə dəmir yolunun tikintisinə və bərpasına başlamağa çox yaxındır ki, bu da regionda kommunikasiyaların blokadadan çıxarılması deməkdir", - deyə Paşinyan bildirib.
Onun sözlərinə görə, Rusiya baş nazirinin müavini Aleksey Overçuk və "Rusiya Dəmir Yolları" QSC-nin baş direktoru Oleq Belozerov dünən İrəvana işgüzar səfərə gəliblər: “Onlar baş nazirin müavini Mqer Qriqoryanla görüşüblər. Qeyd etmək istəyirəm ki, biz kommunikasiyaların açılması üzrə üçtərəfli İşçi Qrupunun fəaliyyətinin ilk praktik nəticələrinə çox yaxınıq. Dünənki iclas Arazdəyən(Yerasx)-Culfa-Ordubad-Mehri-Horadiz dəmir yolunun tikintisinin başlanmasına həsr olunmuşdu”.
