Milli Məclisin deputatı Cavanşir Feyziyev qalmaqala səbəb olan statusunu silib.Senzor.az bildirir ki, millət vəkili Mətbuat Şurasının İdarə Heyətindən istefa verdikdən sonra cəmiyyətdə hiddətlə qarşılanan həmin yazını da səhifəsindən götürüb.
Qeyd edək ki, neçə gün idi media və sosial şəbəkələrdə London məhkəməsi tərəfindən deputat Cavanşir Feyziyevə və ailəsinə məxsus olan 5 milyon funt-sterlinqin müsadirə edilməsi məsələsi müzakirə olunurdu. Maraqlıdır ki, C.Feyziyev məsələ ilə bağlı əvvəlcə müsahibə verərək məlumatı təsdiqləsə də, sonra yenidən geniş açıqlama yaymış və bir sıra jurnalistlərin adını çəkərək onları təhqir etmişdi.
