Niderland hakimiyyəti öz vətəndaşlarını təhlükəsizlik baxımından Ukrayna ərazisini mümkün qədər tez tərk etməyə çağırıb.Senzor.az xarici KİV-ə istinadən bildirir ki, oxşar tövsiyə Britaniya Xarici İşlər Nazirliyi tərəfindən də verilib.
"Britaniya Xarici İşlər Nazirliyi Ukraynaya səfər etməməyi tövsiyə edir. Ukraynada olan Britaniya vətəndaşları kommersiya uçuşlarının mövcud olduğu bir vaxtda dərhal oranı tərk etməlidirlər", - Britaniya mediası məlumat yayıb.
Yaponiya Xarici İşlər Nazirliyi də həmvətənlərini Ukraynanı dərhal tərk etməyə çağıran tövsiyə yayıb. "Nikkei Asia"nın məlumatına görə, hazırda Ukraynada təxminən 150 yapon ola bilər.
Bundan əvvəl ABŞ, İsrail və Cənubi Koreya öz vətəndaşlarından təhlükə yarana biləcək ərazilərdən çıxmağı xahiş ediblər.
