ABŞ Prezidenti Donald Tramp çərşənbə axşamı Amerika hərbi rəhbərliyi ilə görüşündəki çıxışında çoxsaylı müharibə və münaqişələri həll etdiyi ilə bağlı açıqlamalarını təkrarlayıb, lakin Nobel Sülh Mükafatını almayacağını proqnozlaşdırıb.
“Reuters” agentliyi xəbər verir ki, Donald Tramp çox vaxt beynəlxalq münaqişələrin həllində uğurlarını misal gətirib, özünü qlobal sülhməramlı adlandırıb. Nobel mükafatına gəlincə, agentlik onun bu sözlərini sitat gətirib: “O, heç nə etməmiş bir şəxsə veriləcək. Nobel mükafatı Donald Trampın düşüncəsi və müharibələri necə başa vurmaq qərarına gəldiyi haqda kitab yazan birinə veriləcək”.
O, uğurlarına Ermənistanla Azərbaycan, Kamboca ilə Tailand, Hindistan və Pakistan, Serbiya ilə Kosovo arasında münaqişələrin həllini aid edib.
