"Rusiya Federasiyasının qondarma Donetsk və Luqansk “respublika”larını tanıması haqqında verdiyi qərar, həm Minsk müqaviləsinin şərtlərinə ziddir, həm də Ukraynanın siyasi birliyinə, müstəqilliyinə və ərazi bütövlüyünə qarşı yönəlmiş təhlükədir".Senzor.az bildirir ki, Türkiyə Xarici İşlər Nazirliyinin bəyanatında belə deyilir.
Qeyd olunub ki, Rusiyanın Ukraynanın ərazi bütövlüyünə qarşı zor tətbiqi qəbuledilməzdir:
"Bu mənada Ukraynanın ərazi bütünlüyünü dəstəkləyir, bütün tərəfləri beynəlxalq hüquqa hörmət etməyə çağırırıq".
Bundan başqa, Türkiyə XİN məlum “tanınmadan” sonra Ukraynanın şərq bölgələrində yaşayan vətəndaşlarını həmin əraziləri tərk etməyə çağırıb: "Ukraynanın şərq bölgələrində baş verən son hadisələr çərçivəsində vətəndaşlarımızın bu ölkənin şərq bölgələrini tərk etmələri tövsiyə olunur. Vətəndaşlarımıza lazım olduqda Kiyevdəki səfirliyimizlə əlaqə saxlamaları tövsiyə edilir”.
