Ukrayna Avropa Birliyinə daxil olmalıdır.Bunu “Euronews” telekanalına müsahibəsində Avropa Komissiyasının sədri Ursula fon der Leyen deyib.
Müxbirin Avropanın hər yerində on minlərlə insanın küçələrə çıxaraq Ukraynanın Avropa Birliyinə qəbul olunmasını tələb edərək ona dəstək ifadə etməsinə AB-nin necə reaksiya verməsi ilə bağlı sualına cavabında fon der Leyen bildirib: "Ukrayna bizim tam həmrəyliyimizi istəyir və bunu görəcək. Ukrayna artıq bəzi proseslərə daxildir, məsələn, Ukrayna bazarının vahid bazara inteqrasiyası. Biz digər sahələrdə, məsələn, enerji və digər sahələrdə sıx əməkdaşlıq edirik. Zamanla Ukrayna da bizə qoşulacaq, bu ölkə bizim ailəmizin bir hissəsidir, bizdən biridir və biz onu Avropa Birliyində görmək istəyirik”.
Xatırladaq ki, Ukrayna Prezidenti Volodimir Zelenski də Ursula fon der Leyen ilə söhbəti zamanı Kiyevin Avropa Birliyinə üzvlük perspektivlərini müzakirə edib.
