Çeçenistan rəhbəri Ramzan Kadırov onu Ukraynaya döyüşə çağıran çeçen mücahidlərinə cavab verib.R.Kadırov Teleqram kanalında yaydığı video-müraciətdə onları “şeytan” adlandırıb.
O bildirib ki, həmin şəxslər qorxularından Çeçenistandan qaçıb uzaqlarda gizləniblər, indi isə guya Ukraynaya kömək etmək istəyirlər.
O, həmin şəxslərin Çeçenistanda onun əlindən qaçdıqlarını xatırladıb və deyib ki, Çeçenistanda uğur qazanmadıqları kimi, Ukraynada da onları məğlubiyyət gözləyir.
“Yerinizi deyin, biz gəlib sizi taparıq və məhv edərik. Onsuz da sizi tezliklə tapacağıq. Sadəcə, qaçmayın, biz sizinlə məsələni birdəfəlik bitirmək istəyirik”, - o qeyd edib.
Axar.az xatırladır ki, çeçen mücahidlər Ukraynada rus ordusuna qarşı döyüşməyə gələcəklərini bildirmiş və satqın saydıqları Ramzan Kadırovu Ukraynaya döyüşə çağırmışdılar.
