“YouTube” hostinqi Rusiya aparıcısı Vladimir Solovyovun kanalını bloklayıb.Senzor.az bildirir ki, “Vladimir Solovyovla axşam” kanalından sonra videohostinq “Solovyev LIVE” kanalını da bloklayıb.
“Bu kanal “YouTube”un istifadə şərtlərini pozduğu üçün bloklanıb”, - xidmət səhifəyə daxil olmaq istəyəndə qeyd edir.
Qeyd edək ki, Vladimir Solovyov son günlər Ukrayna əleyhinə təbliğat aparırdı.
Yeri gəlmişkən, Kanada hakimiyyəti ona sanksiya tətbiq edib, Avropa İttifaqı isə V.Slovyovun adını “qara siyahı”ya salıb.
Onu da xatırladaq ki, kanalının bir milyondan çox abunəçisi olan Solovyov İkinci Qarabağ müharibəsində Ermənistanın fəal təbliğatçısı olub.
