Venesuelada baş vermiş dağıdıcı zəlzələlər nəticəsində ölənlərin sayı 3 535 nəfərə çatıb.

Senzor.az yerli KİV-ə istinadən bildirir ki, bu barədə Bolivar Respublikası Milli Assambleyasının (parlamentinin) sədri Xorxe Rodriqes öz "Telegram" kanalında məlumat verib.

O, xilasetmə və yardım göstərilməsi ilə bağlı atılan addımlar barədə də danışıb: "16 740 nəfər yaralanıb, 17 854 nəfər evsiz qalıb, 190 bina tamamilə dağılıb, 856 bina ciddi ziyan görüb. Axtarış-xilasetmə əməliyyatları zamanı 6 462 nəfər xilas edilib, 25 016 nəfər xəstəxanalarda və tibb müəssisələrində müalicə keçib, 86 794 ailəyə yardım göstərilib, zərərçəkənlərə 9 603 ton ərzaq çatdırılıb".

Yeri gəlmişkən, bundan əvvəl zəlzələ qurbanlarının sayının 3 300-ü keçdiyi barədə məlumat verilmişdi.

Xatırladaq ki, iyunun 25-nə keçən gecə Venesuelanın şimalında 40 saniyə fərqlə 7,2 və 7,5 maqnitudalı iki zəlzələ olub.