Ermənistanda müxalif "Çiçəklənən Ermənistan" Partiyasının lideri Qaqik Tsarukyana məxsus "Ararat Noy" İrəvan Konyak-Şərab-Araq Kombinatı dövlət nəzarətinə keçib.
Senzor.az yerli KİV-ə istinadən bildirir ki, bu barədə ölkənin Baş Prokurorluğu məlumat yayıb.
Məlumata görə, "Ararat Noy" kombinatının səhmlərinin idarə olunması və saxlanılması Ermənistan İqtisadiyyat Nazirliyinə verilib.
Xatırladaq ki, bu ilin iyul ayında Tsarukyana məxsus "Araratsement" şirkəti də dövlətin idarəçiliyinə və mühafizəsinə verilmişdi.
İyunun əvvəlində isə Qaqik Tsarukyan barəsində xüsusilə külli miqdarda vergidən yayınma ittihamı ilə cinayət işi başlanıb. Məhkəmə onun barəsində ölkədən çıxışa qadağa qətimkan tədbiri seçib.
Bundan əvvəl Qaqik Tsarukyan Ermənistanın baş naziri Nikol Paşinyana və ölkənin ictimai televiziya yayımçısına qarşı məhkəməyə müraciət etmişdi.
