Türkiyənin İzmir əyalətinin Menderes bələdiyyəsində korrupsiya istintaqı çərçivəsində bələdiyyə sədri İlkay Çiçək də daxil olmaqla 21 nəfər saxlanılıb.
Senzor.az yerli KİV-ə istinadən bildirir ki, saxlanılan şəxslər mənfəət əldə etmək məqsədi ilə tikiliyə icazə verməkdə, rəsmi sənədlərin saxtalaşdırılmasında, rüşvət almaqda, vəzifədən sui-istifadə etməkdə və başqa cinayətləri mütəşəkkil şəkildə törətməkdə ittiham olunurlar.
