Çeçenistan Respublikasının Seçki Komissiyası Ramzan Kadırovu region rəhbərliyinə keçiriləcək növbəti seçkilərdə namizəd kimi qeydə alıb.
Senzor.az bildirir ki, bu barədə respublika Seçki Komissiyasının mətbuat xidməti məlumat yayıb.
"Bu gün, 6 avqust 2026-cı il tarixində Çeçenistan Respublikasının Seçki Komissiyası öz iclasında "Vahid Rusiya" siyasi partiyasının Çeçenistan regional bölməsi tərəfindən irəli sürülən Rusiya Qəhrəmanı Ramzan Axmatoviç Kadırovu Çeçenistan Respublikasının rəhbəri vəzifəsinə namizəd kimi qeydə aldı", - deyə məlumatda bildirilib.
Məlumat üçün bildirək ki, Kadırov ilk dəfə 5 aprel 2007-ci ildə Çeçenistan Prezidenti vəzifəsinə başlayıb. Sonuncu seçkilər 2021-ci ildə baş tutub və Rusiya Mərkəzi Seçki Komissiyasının məlumatına görə, seçicilərin 99,7%-i onun lehinə səs verib. Növbəti seçkilər vahid səsvermə günü olan 20 sentyabr 2026-cı il tarixinə təyin edilib.
Onu da xatırladaq ki, bundan əvvəl Kadırov Çeçenistan rəhbəri seçkilərinə “məcburi şəkildə” qatıldığını bəyan etmişdi.
