Türkiyədə 2016-cı il iyulun 15-də dövlət çevrilişinə cəhd zamanı Prezident Rəcəb Tayyib Ərdoğana sui-qəsd cəhdində iştirak edən və 10 il ərzində axtarışda olan "Fətullahçı" Terror Təşkilatının (FETÖ) üzvü Ayşe Alanur Karatepenin saxlanılması ilə bağlı araşdırma başa çatıb.
Senzor.az Türkiyə mediasına istinadən bildirir ki, A. Karatepe Muğlanın Bodrum rayonunda saxlanılıb.
Qeyd olunub ki, istintaq-əməliyyat tədbirləri başa çatıb.
Şübhəli şəxs polis bölməsindəki prosedurlardan sonra məhkəməyə göndərilib.
Xatırladaq ki, A. Karatepenin qardaşı Prezidentə sui-qəsd qrupunda yer aldığı bildirilən Burkay Karatepe avqustun 5-də saxlanılıb. O, Muğlada məhkəmə qarşısına çıxarılaraq həbs edilib.
