“DEM və PKK başda olmaqla bəzi çevrələr İŞİD-in mövcudluğu və fəaliyyətləri ilə bağlı Türkiyə Prezidenti Rəcəb Tayyib Ərdoğana qarşı böhtan atmışdılar. Halbuki İŞİD Suriya və kürdlərə zərər verdiyi qədər Türkiyəyə də zərər vurub”.
“Teleqraf” xəbər verir ki, bunu “Suriya Demokratik Qüvvələri”nin (SDQ) Kobanidəki qüvvələrinin komandiri Mahmud Bərxudan deyib.
“Prezident Ərdoğanın göstərişləri çərçivəsində Türkiyə ordusu İŞİD-lə intensiv şəkildə mübarizə aparıb. Xüsusilə bir məqama diqqət çəkmək istəyirəm: hətta Avropada belə bombalar partladan bu təşkilat İran və İsraildə heç vaxt əməliyyat keçirməyib. Bu, çox maraqlı məqamdır. Bundan əlavə, İŞİD-in sıralarına ən çox silahlı Avropadan cəlb olunub. Bura Rusiyanın Şimali Qafqaz regionunu, Körfəz ölkələrini, Tunis, Liviya və Mərakeşi də daxil edə bilərik. Türkiyəni və Prezident Ərdoğanı bu çoxmillətli əməliyyatın bir hissəsi elan etmək böyük haqsızlıq olardı”, - kürd təşkilatının nümayəndəsi bildirib.
