İranın xarici işlər naziri Abbas Əraqçinin impiçmenti ilə bağlı layihə parlamentdə qeydə alınıb.
Senzor.az yerli KİV-ə istinadən bildirir ki, bu barədə İran parlamenti Rəyasət Heyətinin üzvü Məhəmməd Rəşidi məlumat verib.
Onun sözlərinə görə, parlament üzvlərindən biri impiçment layihəsini qeydiyyata alıb, amma məsələ Rəyasət Heyətinə yönləndirilməyib.
Qeyd edək ki, Əraqçi BMT Baş Assambleyasının iclasında iştirak etmək üçün Nyu-Yorka səfəri zamanı ABŞ tərəfi ilə icazəsiz olaraq vasitəçilər yolu ilə danışıqlar aparmaqda ittiham olunur.
