
Ermənistanın Sünik vilayətinin Şaki kəndinə daxil olmuş azərbaycanlı hərbçi Nəsimi Musayev barəsində açılmış cinayət işi məhkəməyə göndərilib.
Senzor.az yerli KİV-ə istinadən bildirir ki, bu barədə Ermənistan Prokurorluğu məlumat yayıb.
Qeyd edilib ki, noyabrın 13-də Nəsimi Musayevin işi üzrə ilkin istintaq başa çatdırılıb və materiallar ittiham aktı ilə birlikdə prokurora təqdim olunub. Hazırda cinayət işi məhkəmədədir.
Xatırladaq ki, oktyabrın 1-də Azərbaycan hərbçisi Nəsimi Musayev naməlum şəraitdə Ermənistanın Sünik vilayətinin Şaki kəndinə keçib. Orada onu saxlayıblar.
Ermənistan tərəfi onun barəsində cinayət işi açıb və 2 aylıq həbs qətimkan tədbiri seçilib.