Ukrayna Ali Radası ölkədə “V” və “Z” simvollarının istifadəsini qadağan edən qanun layihəsini qəbul edib. Bundan əlavə, Rusiya Federasiyası Ukraynada “terrorçu ölkə” kimi qəbul ediləcək.Bu barədə məlumat Ukraynanın hakim “Xalqın xidmətçisi” partiyasının saytında dərc olunub.
Qeyd edək ki, Ukrayna hökuməti Rusiya Federasiyasını rəsmi olaraq hələ 2015-ci ildən təcavüzkar ölkə kimi tanıyıb.
Məlumat üçün əlavə edək ki, Rusiya Müdafiə Nazirliyinin rəsmi “Instagram” səhifəsində “Z” və “V” hərflərinin mənası aşağıdakı kimi təqdim olunub:
“Z” – “Za pobedu” (Qələbə uğrunda);
“V” – “Sila v pravde” (Güc həqiqətdədir).
